Nesta ligazón á nosa canle de Youtube poderedes ver todos os vídeos gravados polo alumnado de Electricidade.
Grazas ao departamento de Música e, concretamente, á súa profesora, María Álvarez Santiago, estupenda acordeonista e motivadora excepcional, puidemos levar a cabo esta estupenda foliada. Todo o alumnado participou dunha maneira ou doutra. Hai tanto talento no noso centro... gaiteirxs, pandereteirxs, bailadorxs e moitos cantantes.
O alumnado de 3o participou o día 6 de xuño no Correlingua da Coruña. Cantaron, bailaron e defenderon a pancarta creada por Ana, a profesora de Plástica e o alumnado de 4o.
Ruar e rir
O concello de Carballo propúxonos participar nesta nova edición de Ruar e rir. Reflexionamos e creamos varios versos acaídos para ser colocados en pasos de peóns e pintamos algunha delas polos arredores do centro.
Eis, o blog de Santi Pazos, que nos guiou durante este percorrido, xunto coa profesora de Plástica, Ana e a responsable do ENDLG, Patricia.
O alumnado que colabora co Equipo de Normalización levaba xa moitos meses nun proxecto común co alumnado do IES Elviña. Moitas cartas foron e viñeron do barrio coruñés ao centro próximo a Sísamo. Coas redes sociais, o coñecemento mutuo é máis doado. Porén, non hai nada como verse en persoa.
A sesión final deste Intercambio estaba programada para o día 30 de maio. Porén, causas alleas á nosa vontade impediron que os rapaces e rapazas coruñesas chegasen a Carballo. Botámolos moito de menos, pero decidimos continuar coa actividade.
Os nosos alumnos e alumnas recomendaron libros que leran durante este curso, vimos o vídeo realizado coas fotos de Aitana Souto e completamos o día cun roteiro polo río Anllóns, acompañados do noso profesor Suso. Aínda que son paisaxes coñecidos para tod@s, sempre hai cousas que Suso nos pode contar da historia e dos costumes da nosa vila.
O día 24 de maio tivo lugar a graduación do alumnado de 2º Bacharelato. Moitos de nós xa coñeciamos o talento sen par de Fabián Cotelo. Sentamos para admirar a súa excelencia no piano e ficamos rendidos tamén ante a voz de Nerea Couto.
Se queredes saber máis de como se xestou esa actuación, abride ben as orellas e dádelle a play.
Na foto, a nosa Nerea receitando poemas uns meses antes a todo o alumnado que tiña algunha dor.
